Finch’ellu si move, si ghjoca!

U ghjocu cuuperativu
cù un ovu!

Una palla assai ligera, rimbalzi imprevedibili è una sfida cumuna. Tenite u Vollegg in muvimentu! Chjuchi è maiò, ognunu pò ghjucà.

Scopre u ghjocu Cumprà

Trè persone pusate in chjerchju si passanu u Vollegg.

Nè vincitori, nè perdenti. Solu ghjucadori.

5 grammi (per ghjucà in securità in casa)

Rimbalzi imprevedibili chì sveglianu i riflessi

Una sfida cumuna

CUMU GHJUCÀ

Un chjerchju.
Un ovu. È voi.

U scopu di u ghjocu? Fà durà u scambiu u più à longu pussibule.

Pusatevi in terra

Pusatevi in terra in modu chì tutti si possinu vede è passà l’ovu. (Chjerchju)

Toccate, passate, fate rimbalzà

Passate l’ovu tucchendulu, senza chjappallu nè lanciallu. I rimbalzi è e rutulate facenu parte di u ghjocu.

Tenitelu in muvimentu

Finch’ellu si move, si ghjoca! S’ellu si ferma, ricuminciate inseme.

Cumprà u Vollegg

U SPIRITU VOLLEGG

Ghjucà cù l’altri.
Simpliciamente.

Ghjucà insemeè micca l’unucontr’à l’altru

Un rimbalzu chì stupisce

Un rimbalzu imprevedibile è una sfida cumuna. Si ghjoca cù l’istintu, micca cù a tecnica.

Chjuchi è maiò

In famiglia o trà amichi, ognunu participeghja à u scambiu, à u so ritimu.

E vostre regule, u vostru ghjocu

Cuntate e passate, misurate u tempu di i scambii o ghjucate in u sensu di l’agulle di l’orologiu. Inventate a vostra sfida cumuna.

Cumprà u Vollegg

MOVESI, PERCEPISCE, INTERAGISCE

Psicumutricità cù u ghjocu

A psicumutricità leia u muvimentu, a percezzione, l’emuzione è u penseru. Cù u Vollegg è a so forma d’ovu, seguità l’ovu cù l’ochji dumanda un’attenzione cuntinua. Adattà i so gesti è passà à un altru ghjucadore mette in ghjocu a cuurdinazione, u cuntrollu di sè è a percezzione di u spaziu.

A regula di u Vollegg dà dinù u dirittu di sbagliassi è libera cusì prestu u ghjucadore, chì ùn hà più paura di « fà male ». Un modu divertente di movesi sempre megliu è di creà leia cù l’altri.

EDUCAZIONE

U Vollegg à a scola

Dapoi a scola materna, si pò ghjucà à u Vollegg à a scola, in particulare in educazione fisica. Fate chjerchji, pusati in terra: cù 3 à 8 ghjucadori, i scambii sò ancu più divertenti. U più chjucu principia. Inseme, tenite l’ovu in muvimentu!

U ghjocu invita à scopre a cuurdinazione, i riflessi, l’attenzione è a cuuperazione, senza scopu di prestazione individuale nè paragone trà i zitelli. Cù una regula chì lascia u dirittu di sbagliassi, u Vollegg pò aiutà ognunu à osà, à sentesi più à l’asgiu è à piglià cunfidenza.

Scaricà a scheda pedagogica · PDF

Una sessione à a scola · 1

Una sessione à a scola · 2

Scopre l’attività per a scola

Scriveci

Anu ghjucatu à u Vollegg

U Vollegg ci libera da i penseri è ci ciotta in l’istante. Stimuleghja i riflessi, a precisione, a sincrunizazione è a cunfidenza mutuale. Ognunu face casu à l’altru è s’adatta à i so gesti in una varietà infinita: ritimi novi, dinamiche di gruppu è cuntesti fisichi.

Chloé di Cintio

Strattu d’un parè publicatu nant’à jeux-cooperatifs.com · 16.08.2025

Traduttu da u francese.

Leghje u parè sanu ↗

Cù u Vollegg, a cuuperazione si ghjoca in u corpu. […] Un ghjocu spurtivu simplice, vivu è adattabile, per sperimentà un’idea forte: cuuperà hè agisce di manera à rende pussibule l’azzione di l’altri.

Jeux cooperatifs

Strattu d’un parè nant’à jeux-cooperatifs.com · 06.08.2026

Traduttu da u francese.

Leghje u parè sanu ↗

Imaginatu à La Ciotat, sviluppatu in Corsica

Raphaël, à l’origine di u Vollegg

Raphaël hà imaginatu u Vollegg à La Ciotat, po l’hà sviluppatu cù Marien in Corsica cù un’intenzione simplice: adunisce a ghjente intornu à u piacè di ghjucà è di movesi. Trà ghjocu è attività spurtiva, u Vollegg prupone una sfida cuuperativa accessibile, induve ognunu participeghja à a so manera.

Un ovu ligeru, rimbalzi inattesi è una regula chì lascia u dirittu di sbagliassi: ognunu hà a so piazza, senza avè da pruvà ch’ellu hè u megliu.

Cù u Vollegg, Raphaël invita à pruvà, à ride di i rimbalzi imprevedibili di l’ovu è à ricumincià inseme. A sfida ùn hè micca di batte l’altru, ma di fà durà u scambiu. Hè stu spiritu di spartera chì dà tuttu u so sensu à u ghjocu.

Scopre e regule in video nant’à YouTube